காமம் உழந்து வருந்தினார்க்கு ஏமம்
மடலல்லது இல்லை வலி.- 1131
காதல் நிறைவேறாதவர்களுக்கு மடலன்றி வேறு
துணையில்லை
நோனா உடம்பும் உயிரும் மடலேறும்
நாணினை நீக்கி நிறுத்து. - 1132
அவள் பிரிவைத் தாங்காது, வெட்கத்தைவிட்டு மடலேறத் துணிந்தேன்
நாணொடு நல்லாண்மை பண்டுடையேன் இன்றுடையேன்
காமுற்றார் ஏறும் மடல். - 1133
காமம் வந்தால் நாணமும், நல்லாண்மையும் நீங்கிவிடும்
காமக் கடும்புனல் உய்க்குமே நாணொடு
நல்லாண்மை என்னும் புணை. - 1134
நாணம், நல்லாண்மை என்ற படகுகளை காமவெள்ளம் அழித்துவிடும்
தொடலைக் குறுந்தொடி தந்தாள் மடலொடு
மாலை உழக்கும் துயர். 1135
மடலும், மாலை மயக்கமும் தந்தாள் அவள்
மடலுர்தல் யாமத்தும் உள்ளுவேன் மன்ற
படல்ஒல்லா பேதைக்கென் கண். - 1136
அவள் பிரிவால் இரவிலும் மடலூர்தலை நினைக்கிறேன்
கடலன்ன காமம் உழந்தும் மடலேறாப்
பெண்ணின் பெருந்தக்க தில். - 1137
கடலளவு காமத்திலும் மடலேறாத பெண்னின்
பெருமைக்கு நிகரேது
நிறையரியர் மன்அளியர் என்னாது காமம்
மறையிறந்து மன்று படும். - 1138
நெஞ்சுறுதி இல்லாதார் காமம் ஊரறிய வெளிப்படும்
அறிகிலார் எல்லாரும் என்றேஎன் காமம்
மறுகின் மறுகும் மருண்டு. - 1139
பலரும் அறியவில்லை என்றெண்ணி பொதுவில்
வெளிப்படும் காமம்
யாம்கண்ணின் காண நகுப அறிவில்லார்
யாம்பட்ட தாம்படா ஆறு. - 1140
காமத்தின் துயர் அறியாதவர்கள், காமவயப்பட்டாரைக் கண்டு நகைப்பர்
கருத்துகள் இல்லை:
கருத்துரையிடுக