பாலொடு தேன்கலந் தற்றே பணிமொழி
வாலெயிறு ஊறிய நீர். - 1121
பாலும் தேனும் கலந்தது போன்றது மென்மொழி பேசும், அவள் உமிழ்நீர்
உடம்பொடு உயிரிடை என்னமற் றன்ன
மடந்தையொடு எம்மிடை நட்பு. - 1122
உடம்பும் உயிரும்போல, நானும் அவளும் உறவுடையோம்
கருமணியிற் பாவாய்நீ போதாயாம் வீழும்
திருநுதற்கு இல்லை இடம். - 1123
என் கண்மணிப் பாவாய்! நீ நீங்கி என்னவளுக்கு இடம்கொடு
வாழ்தல் உயிர்க்கன்னள் ஆயிழை சாதல்
அதற்கன்னள் நீங்கும் இடத்து. - 1124
அவள் வந்தால் வரும் என் உயிர்! அவள் நீங்கினால் நீங்கும் என் உயிர்
உள்ளுவன் மன்யான் மறப்பின் மறப்பறியேன்
ஒள்ளமர்க் கண்ணாள் குணம். - 1125
அவளை நினைப்பதேயில்லை! மறந்தால்தானே நினைப்பதற்கு
கண்ணுள்ளின் போகார் இமைப்பின் பருவரார்
நுண்ணியர்எம் காத லவர். - 1126
நான் இமைத்தாலும் என் கண்ணுள்ளே நிறைந்தவர் நீங்கார்
கண்ணுள்ளார் காத லவராகக் கண்ணும்
எழுதேம் கரப்பாக்கு அறிந்து. - 1127
கண்ணுள் அவர் இருப்பதால், மறைந்திடுவாரென மையிடுவதில்லை
நெஞ்சத்தார் காத லவராக வெய்துண்டல்
அஞ்சுதும் வேபாக் கறிந்து. - 1128
காதலர் என் நெஞ்சில் இருப்பதால் சூடாக ஏதும் உண்பதில்லை
இமைப்பின் கரப்பாக்கு அறிவல் அனைத்திற்கே
ஏதிலர் என்னும் இவ் வூர். - 1129
காதலரை எண்ணித் தூங்காதிருப்பதால் அவரைத் திட்டும் இவ்வூர்
உவந்துறைவர் உள்ளத்துள் என்றும் இகந்துறைவர்
ஏதிலர் என்னும் இவ் வூர். - 1130
என் உள்ளத்தில் நிறைந்தார் அவர்! இதை அறியுமா இந்த ஊர்
கருத்துகள் இல்லை:
கருத்துரையிடுக