திருக்குறள் - அதிகாரம் - 102. நாணுடைமை

 

கருமத்தால் நாணுதல் நாணுந் திருநுதல்

நல்லவர் நாணுப் பிற. -  1011

தீய செயலுக்கு நாணுதல், பெண்களின் நாணத்தில் வேறுபட்டது      

ஊணுடை எச்சம் உயிர்க்கெல்லாம் வேறல்ல

நாணுடைமை மாந்தர் சிறப்பு. - 1012

உணவு, உடை மனிதர்க்குப் பொது. நாணமே நல்ல மனிதர்க்கு அணி 

ஊனைக் குறித்த உயிரெல்லாம் நாண்என்னும்

நன்மை குறித்தது சால்பு. - 1013

உயிர்க்கு உடல் போன்றது, சான்றோர்க்கு நாணம்

அணிஅன்றோ நாணுடைமை சான்றோர்க்கு அஃதின்றேல்

பிணிஅன்றோ பீடு நடை. - 1014

சான்றோர்க்கு நாணமே அணி. நாணமில்லாதவர்க்கு பீடுநடையில்லை

பிறர்பழியும் தம்பழியும் நாணுவார் நாணுக்கு

உறைபதி என்னும் உலகு. - 1015

பிறர் பழிக்கும், தம்பழிக்கும் நாணுவோர் நாணத்தின் உறைவிடமாவர்

நாண்வேலி கொள்ளாது மன்னோ வியன்ஞாலம்

பேணலர் மேலா யவர். - 1016

பரந்த உலகை விட நாணத்தையே வேலியாக் கொள்வோர் சான்றோர்

நாணால் உயிரைத் துறப்பார் உயிர்ப்பொருட்டால்

நாண்துறவார் நாணாள் பவர். - 1017

உயிரைவிட நாணமே பெரிதென உயிரையும் விடுவோர் உயர்ந்தோர்  

பிறர்நாணத் தக்கது தான்நாணா னாயின்

அறம்நாணத் தக்கது உடைத்து. - 1018

வெட்கப்படவேண்டியதற்கு வெட்கப்படாதவனைக் கண்டு அறம் நாணும்

குலஞ்சுடும் கொள்கை பிழைப்பின் நலஞ்சுடும்

நாணின்மை நின்றக் கடை.- 1019

கொள்கையில் குலப்பெருமையும், நாணத்தில் எல்லா நலமும் உண்டு

நாண்அகத் தில்லார் இயக்கம் மரப்பாவை

நாணால் உயர்மருட்டி யற்று.  - 1020

நாணமற்றோர் இயங்குதல் மரப்பொம்மைக்கு உயிரூட்டியது போன்றது