திருக்குறள் - அதிகாரம் - 96. குடிமை

 

இற்பிறந்தார் கண்அல்லது இல்லை இயல்பாகச்

செப்பமும் நாணும் ஒருங்கு. - 951

நேர்மையும், நாணமும் நற்குடியில் பிறந்தவரிடம் மட்டுமே இருக்கும்  

ஒழுக்கமும் வாய்மையும் நாணும் இம் மூன்றும்

இழுக்கார் குடிப்பிறந் தார். - 952

ஒழுக்கம், வாய்மை, நாணம் மூன்றும் நற்குடியில் பிறந்தார்க்கே உரியது

நகைஈகை இன்சொல் இகழாமை நான்கும்

வகையென்ப வாய்மைக் குடிக்கு. - 953

புன்னகை, கொடை, இனியசொல், இகழாமை நற்குடியாளர் இயல்புகள் 

அடுக்கிய கோடி பெறினும் குடிப்பிறந்தார்

குன்றுவ செய்தல் இலர். - 954

பணத்துக்காக நற்குடும்பத்தில் பிறந்தவர் இழிவான செயல் செய்யார் 

வழங்குவ துள்வீழ்ந்தக் கண்ணும் பழங்குடி

பண்பில் தலைப்பிரிதல் இன்று. - 955

வறுமை நிலையிலும் நற்குடும்பத்தில் பிறந்தோர் வழங்குவர் 

சலம்பற்றிச் சால்பில செய்யார்மா சற்ற

குலம்பற்றி வாழ்தும் என் பார். - 956

வறுமையுற்றாலும் நற்குடியில் பிறந்தோர் வஞ்சகம் செய்யார் 

குடிப்பிறந்தார் கண்விளங்கும் குற்றம் விசும்பின்

மதிக்கண் மறுப்போல் உயர்ந்து.- 957

நற்குடும்பத்தினார் குற்றம் நிலவின் களங்கம்போல பெரிதாகத் தெரியும்

நலத்தின்கண் நாரின்மை தோன்றின் அவனைக்

குலத்தின்கண் ஐயப் படும்.- 958

நல்லவானயினும் குற்றம் செய்தால் அவன் குடிப்பிறப்பை ஆய்க 

நிலத்தில் கிடந்தமை கால்காட்டும் காட்டும்

குலத்தில் பிறந்தார்வாய்ச் சொல். - 959

விளைந்த பயிர் நிலத்தையும், பேசிய வார்த்தை குலத்தையும் காட்டும்

நலம்வேண்டின் நாணுடைமை வேண்டும் குலம் வேண்டின்

வேண்டுக யார்க்கும் பணிவு. - 960

பணிவும், நாணமுமே குலப்பெருமையைக் காட்டும்