பேதைமை என்பதொன்று யாதெனின் ஏதங்கொண்டு
ஊதியம் போக விடல். - 831
பேதைமை என்பது தீயதை ஏற்று நல்லதைவிடுவதே
பேதைமையுள் எல்லாம் பேதைமை காதன்மை
கையல்ல தன்கட் செயல். - 832
இயலாத செயல்களின் மேல் ஆசைகொள்ளுதல் பெரிய
அறியாமை
நாணாமை நாடாமை நாரின்மை யாதொன்றும்
பேணாமை பேதை தொழில். - 833
வெட்கம், ஆராய்ச்சி, அன்பு, பாதுகாப்பு இல்லாதவர்கள் பேதையர்
ஓதி உணர்ந்தும் பிறர்க்குரைத்தும் தானடங்காப்
பேதையின் பேதையார் இல். - 834
கற்றுணர்ந்தும், கற்பித்தும் அதைப் பின்பற்றாதவர்களே பேதையர்
ஒருமைச் செயலாற்றும் பேதை எழுமையும்
தான்புக் கழுந்தும் அளறு. - 835
ஏழு பிறப்பிற்கும் துன்பத்தைத் தேடுபவனே
மூடன்
பொய்படும் ஒன்றோ புனைபூணும் கையறியாப்
பேதை வினைமேற் கொளின். - 836
அறிவில்லாதவன் செய்யும் செயலும் கெட்டு
அவனும் கெடுவான்
ஏதிலார் ஆரத் தமர்பசிப்பார் பேதை
பெருஞ்செல்வம் உற்றக் கடை.- 837
பேதையா் செல்வந்தரானால் பகைவர் உண்ண, உறவுகள் வறுமையாகும்
மையல் ஒருவன் களித்தற்றால் பேதைதன்
கையொன்று உடைமை பெறின். - 838
கள்ளுண்டவன் நிலை போன்றதே பேதை பெற்ற
பெருஞ்செல்வம்
பெரிதினிது பேதையார் கேண்மை பிரிவின்கண்
பீழை தருவதொன் றில். - 839
பேதையாருடன் கொள்ளும் நட்பு, பிரிவில் வருத்தம் தராததால் இனியது
கழாஅக்கால் பள்ளியுள் வைத்தற்றால் சான்றோர்
குழாஅத்துப் பேதை புகல். - 840
அறிஞர் முன் முட்டாள் செல்வது, அழுக்கு காலுடன் படுத்தல் போன்றது
கருத்துகள் இல்லை:
கருத்துரையிடுக