எண்பதத்தால் எய்தல் எளிதென்ப யார்மாட்டும்
பண்புடைமை என்னும் வழக்கு. - 991
யாரும் பண்புடையாளராவதற்கு எளிமையே நல்ல
வழி
அன்புடைமை ஆன்ற குடிப்பிறத்தல் இவ்விரண்டும்
பண்புடைமை என்னும் வழக்கு. - 992
அன்பும், நல்ல குடும்பத்தில் பிறத்தலும் பண்பாளரின் அடையாமாகும்
உறுப்பொத்தல் மக்களொப்பு அன்றால் வெறுத்தக்க
பண்பொத்தல் ஒப்பதாம் ஒப்பு. - 993
உறுப்புகளின் சிறப்பைவிட பண்பின் சிறப்பே
ஒப்பிடத்தக்கது
நயனொடு நன்றி புரிந்த பயனுடையார்
பண்புபா ராட்டும் உலகு. - 94
அன்புடன், நன்மை செய்தவர்களை உலகம் பாராட்டும்
நகையுள்ளும் இன்னா திகழ்ச்சி பகையுள்ளும்
பண்புள பாடறிவார் மாட்டு. -995
விளையாட்டுக்கும் ஒருவரையும் இகழாமல், பண்புடன் நடந்துகொள்
பண்புடையார்ப் பட்டுண்டு உலகம் அதுஇன்றேல்
மண்புக்கு மாய்வது மன். - 996
பண்புடையவர்களால் தான் இவ்வுலகமே அழியாது
உள்ளது
அரம்போலும் கூர்மைய ரேனும் மரம்போல்வர்
மக்கட்பண்பு இல்லா தவர். - 997
அரம்போன்ற கூர்மையான அறிவும், பண்பின்றிப் பயனில்லை
நண்பாற்றார் ஆகி நயமில செய்வார்க்கும்
பண்பாற்றார் ஆதல் கடை.- 998
தீங்கிழைத்தவரிடமும் பண்பின்றி நடத்தல்
இழுக்காகும்
நகல்வல்லர் அல்லார்க்கு மாயிரு ஞாலம்
பகலும்பாற் பட்டன்று இருள். - 999
சிரிக்கும் பண்பில்லாதவர்களுக்குப் பகலும்
இரவு போன்றதே
பண்பிலான் பெற்ற பெருஞ்செல்வம் நன்பால்
கலந்தீமை யால்திரிந் தற்று. - 1000
பண்பிலாதார் பெற்ற செல்வம், பாத்திரத்தால் பால் கெட்டது போன்றது
கருத்துகள் இல்லை:
கருத்துரையிடுக