குடியென்னும் குன்றா விளக்கம் மடியென்னும்
மாசூர மாய்ந்து கெடும். - 601
சோம்பல் குடிப்பெருமையைக் கெடுத்துவிடும்
மடியை மடியா ஒழுகல் குடியைக்
குடியாக வேண்டு பவர்.- 602
குடியை உயர்த்த சோம்பலை நீக்குவதே வழி
மடிமடிக் கொண்டொழுகும் பேதை பிறந்த
குடிமடியும் தன்னினும் முந்து. - 603
சோம்பேறியின் குடும்பம் விரைந்து அழியும்
குடிமடிந்து குற்றம் பெருகும் மடிமடிந்து
மாண்ட உஞற்றி லவர்க்கு.- 604
குடியைக் கெடுத்து, குற்றத்தைப் பெருக்குவது
சோம்பலே
நெடுநீர் மறவி மடிதுயில் நான்கும்
கெடுநீரார் காமக் கலன்.- 605
தாமதம், மறதி, சோம்பல், தூக்கம் நான்கும் கெடுவோரியல்புகள்
படியுடையார் பற்றமைந்தக் கண்ணும் மடியுடையார்
மாண்பயன் எய்தல் அரிது.- 606
அதிகாரமுடையவர் அருகிலிருந்தாலும் சோம்பேறிகள்
பயனடையார்
இடிபுரிந்து எள்ளுஞ் சொல் கேட்பர் மடிபுரிந்து
மாண்ட உஞற்றி லவர்.- 607
சோம்பேறிகள், கடுஞ்சொல்லுடன் இகழ்ச்சியடைவர்
மடிமை குடிமைக்கண் தங்கின்தன் ஒன்னார்க்கு
அடிமை புகுத்தி விடும்.- 608
சோம்பலுடையவர்கள் பகைவர்க்கும் அடிமையாவர்கள்
குடியாண்மை யுள்வந்த குற்றம் ஒருவன்
மடியாண்மை மாற்றக் கெடும்.- 609
தன் பதவிக்கு வரும் கேடு, சுறுசுறுப்பால் நீங்கும்
மடியிலா மன்னவன் எய்தும் அடியளந்தான்
தாஅய தெல்லாம் ஒருங்கு.- 610
சோம்பல் இல்லாத அரசனே உலகை ஆள்வான்
கருத்துகள் இல்லை:
கருத்துரையிடுக