திருக்குறள் - அதிகாரம் - 59. ஒற்றாடல்

 

ஒற்றும் உரைசான்ற நூலும் இவையிரண்டும்

தெற்றென்க மன்னவன் கண்.- 581

நல்ல ஒற்றனும், நல்ல நூலும் அரசனின் இரு கண்கள்

எல்லார்க்கும் எல்லாம் நிகழ்பவை எஞ்ஞான்றும்

வல்லறிதல் வேந்தன் தொழில்.- 582

எங்கும், எப்போதும், எல்லோரிடமும் ஒற்றராய்தல் மன்னர் கடன்

ஒற்றினான் ஒற்றிப் பொருள்தெரியா மன்னவன்

கொற்றிங் கொளக்கிடந்தது இல்.- 583

ஒற்றாடாத மன்னன் வெற்றிபெறுவது இல்லை

வினைசெய்வார் தம்சுற்றம் வேண்டாதார் என்றாங்கு

அனைவரையும் ஆராய்வது ஒற்று. - 584

பணியாளர், உறவினர், எதிரி எனப் பாகுபாடின்றி யாரையும் ஆய்ந்தறி

கடாஅ உருவொடு கண்ணஞ்சாது யாண்டும்

உகாஅமை வல்லதே ஒற்று.- 585

மாற்று உருவம், தூங்காமை, அஞ்சாத திட மனமும் கொண்டவனே ஒற்றன்

துறந்தார் படிவத்த ராகி இறந்தாராய்ந்து

என்செயினும் சோர்விலது ஒற்று.- 586

தவக்கோலத்திலும் ஒற்றாய்ந்து, பிடிபட்டாலும் சோர்விலானே ஒற்றன்

மறைந்தவை கேட்கவற் றாகி அறிந்தவை

ஐயப்பாடு இல்லதே ஒற்று.- 587

ஒற்றாடியதை ஐயமின்றி துணிந்து கூறுபவனே ஒற்றன்

ஒற்றோற்றித் தந்த பொருளையும் மற்றுமோர்

ஒற்றினால் ஒற்றிக் கொளல்.- 588

ஒற்றன் கூறிய செய்தியை மறு ஒற்றன் வழி உறுதிப்படுத்துக

ஒற்றெற் றுணராமை ஆள்க உடன்மூவர்

சொற்றொக்க தேறப் படும்.- 589

மூன்று ஒற்றர்களிடம் தனித்தனியே கேட்டு செய்தியை நம்பு

சிறப்பறிய ஒற்றின்கண் செய்யற்க செய்யின்

புறப்படுத்தான் ஆகும் மறை.- 590

சிறந்த ஒற்றனாயினும் அவனுக்கு மறைவாகவே சிறப்பு செய்