கொலைமேற்கொண் டாரிற் கொடிதே அலைமேற்கொண்டு
அல்லவை செய்தொழுகும் வேந்து. 551
துன்புறுத்தும் அரசன் கொலையாளியைவிடக்
கொடியவன்
வேலோடு நின்றான் இடுவென் றுதுபோலும்
கோலோடி நின்றான் இரவு. 552
மிரட்டிப் பணம் பறித்தால் அரசனும் கொள்ளைக்காரனே
நாடொறும் நாடி முறைசெய்யா மன்னவன்
நாடொறும் நாடு கெடும். 553
நாளும் ஆராய்ந்து மக்களைக் காக்காத அரசனால்
நாடு அழியும்
கூழுங் குடியும் ஒருங்கிழக்கும் கோல்கோடிச்
சூழாது செய்யும் அரசு. 554
கொடுங்கோலன் செல்வத்தையும், மக்களையும் ஒன்றாக இழப்பான்
அல்லற்பட்டு ஆற்றாது அழுதகண் ணீரன்றே
செல்வத்தைத் தேய்க்கும் படை. 555
மக்களின் துன்பக்கண்ணீரே ஆட்சியாளரின்
செல்வத்தை அழிக்கும்
மன்னர்க்கு மன்னுதல் செங்கோண்மை அஃதின்றேல்
மன்னாவாம் மன்னர்க் கொளி. 556
மன்னர்க்குப் புகழ் நல்லாட்சியால் மட்டுமே
தோன்றும்
துளியின்மை ஞாலத்திற்கு எற்றற்றே வேந்தன்
அளியின்மை வாழும் உயிர்க்கு. 557
உயிர்களுக்கு மழைத்துளி போன்றவன் மக்களுக்கு
நல்ல வேந்தன்
இன்மையின் இன்னாது உடைமை முறைசெய்யா
மன்னவன் கோற்கீழ்ப் படின். 558
கொடுங்கோலன் ஆட்சியில் செல்வந்தரே பெரிதும்
வருந்துவர்
முறைகோடி மன்னவன் செய்யின் உறைகோடி
ஒல்லாது வானம் பெயல். 559
தவறான ஆட்சியில் பருவமழையும் தவறிப் பொழியும்
ஆபயன் குன்றும் அறுதொழிலோர் நூல்மறப்பர்
காவலன் காவான் எனின். 560
நீதி தவறிய ஆட்சியில், பால் வளமும், கல்வி வளமும் குறையும்
கருத்துகள் இல்லை:
கருத்துரையிடுக