நன்மையும் தீமையும் நாடி நலம்புரிந்த
தன்மையான் ஆளப் படும். 511
நன்மையும், தீமையும் ஆராய்ந்து நன்மைக்கே முன்னுரிமை வழங்கு
வாரி பெருக்கி வளம்படுத்து உற்றவை
ஆராய்வான் செய்க வினை. 512
வரவை விரிவாக்கி, வளத்தைப் பெருக்கி இடையூற்றை ஆய்ந்தறி
அன்பறிவு தேற்றம் அவாவின்மை இந்நான்கும்
நன்குடையான் கட்டே தௌiவு. 513
அன்பு, அறிவு, செயல் , பேராசையில்லாதவனே பதவிக்கு அணி
எனைவகையான் தேறியக் கண்ணும் வினைவகையான்
வேறாகும் மாந்தர் பலர். 514
பல்வேறு நற்குணங்கள் இருந்தாலும் செயலால்
வேறுபடுபவர் பலர்
அறிந்தாற்றிச் செய்கிற்பாற்கு அல்லால் வினைதான்
சிறந்தானென்று ஏவற்பாற் றன்று. 515
செயல்திறனல்லாதவரிடம் பணி வழங்கக்கூடாது
செய்வானை நாடி வினைநாடிக் காலத்தொடு
எய்த உணர்ந்து செயல். 516
உரியகாலத்தில் சரியாகச் செய்பவரிடம் வேலையைக்
கொடு
இதனை இதனான் இவன்முடிக்கும் என்றாய்ந்து
அதனை அவன்கண் விடல். 517
இதனை இவர்தான் முடிப்பார் என ஆய்ந்து
வேலையை வழங்கு
வினைக் குரிமை நாடிய பின்றை அவனை
அதற்குரிய னாகச் செயல். 518
நம்பிய ஒருவனுக்கு வழங்கிய பணியில் குறுக்கிடாதே
வினைக்கண் வினையுடையான் கேண்மைவே றாக
நினைப்பானை நீங்கும் திரு. 519
பணிச்சூழல் நட்பை தவறாகப் புரிந்தவரிடம்
செல்வம் தங்காது
நாடோறும் நாடுக மன்னன் வினைசெய்வான்
கோடாமை கோடா துலகு. 520
நாட்டின் வளம், உழைப்பாளரை அரசன் வாழவைப்பதில் உள்ளது
கருத்துகள் இல்லை:
கருத்துரையிடுக