திருக்குறள் - அதிகாரம் - 51. தெரிந்து தெளிதல்

அறம் பொருள் இன்பம் உயிரச்சம் நான்கின்

திறந்தெரிந்து தேறப் படும்- 501

அறம், பொருள், இன்பம், உயிர்க்கான அச்சம் அறிந்தவரை ஆய்ந்தறி

குடிப்பிறந்து குற்றத்தின் நீங்கி வடுப்பரியும்

நாணுடையான் கட்டே தௌவு.- 502

குடி, குற்றம், நாணம் உடையவரா என்பதை அறிந்து தெளிவுகொள்   

அரியகற்று ஆசற்றார் கண்ணும் தெரியுங்கால்

இன்மை அரிதே வெளிறு.- 503

அரியவை கற்ற, குற்றமற்றாரிடமும் அறியாமை இருக்கும்

குணம்நாடிக் குற்றமும் நாடி அவற்றுள்

மிகைநாடி மிக்க கொளல்.- 504

நற்பண்பு, குற்றம் இவற்றுள் மிகுதியானவையை ஆராய்ந்து அறிக

பெருமைக்கும் ஏனைச் சிறுமைக்கும் தத்தம்

கருமமே கட்டளைக் கல்.- 505

நம் பெருமைக்கும், சிறுமைக்கும் நம் செயல்களே அடிப்படை

அற்றாரைத் தேறுதல் ஓம்புக மற்றவர்

பற்றிலர் நாணார் பழி.- 506

உறவற்றவர்களை நம்பாதே, அவர்கள் பழிக்கும் வெட்கப்படார்

காதன்மை கந்தா அறிவறியார்த் தேறுதல்

பேதைமை எல்லாந் தரும்.- 507

அன்பால், பேதையரை நம்புதல் பல தீங்கினை விளைவிக்கும் 

தேரான் பிறனைத் தெளிந்தான் வழிமுறை

தீரா இடும்பை தரும்.- 508

ஆராயாமல் கொள்ளும் நட்பு எதிர்காலத்திலும் துன்பம் தரும்

தேறற்க யாரையும் தேராதுதேர்ந்தபின்

தேறுக தேறும் பொருள்.- 509

ஆராயமல் ஒருவரை நம்பாதே, நம்பியவரை என்றும் ஆராயாதே

தேரான் தெளிவும் தெளிந்தான்கண் ஐயுறவும்

தீரா இடும்பை தரும்.- 510

ஆராயமல் வரும் தெளிவும்,ஆராய்ந்தவர் மேல் ஐயமும் துன்பம்தரும்