பிறன்பொருளாள் பெட்டொழுகும் பேதைமை ஞாலத்து
அறம்பொருள் கண்டார்கண் இல்.- 141
அறிவுடையோர் பிறர் மனைவியைப் பார்க்கமாட்டார்கள்
அறன்கடை நின்றாருள் எல்லாம் பிறன்கடை
நின்றாரின் பேதையார் இல்.- 142
பிறர் மனைவியை விரும்புவாரைவிட அறிவிலிகள்
இல்லை
விளிந்தாரின் வேறல்லர் மன்ற தெளிந்தாரில்
தீமை புரிந்து ஒழுகு வார்.- 143
தன்னை நம்பியவரின் மனைவியை விரும்பியவர்
இறந்தவரே
எனைத்துணையர் ஆயினும் என்னாம் தினைத்துணையும்
தேரான் பிறன்இல் புகல்.- 144
பிறர்மனைவியை விரும்புவோர் எவ்வகையிலும்
தாழ்ந்தவரே
எளிதென இல்லிறப்பான் எய்துமெஞ் ஞான்றும்
விளியாது நிற்கும் பழி.- 145
பிறர்மனைவியை விரும்புவோர் அழியாப் பழியை
அடைவா்
பகைபாவம் அச்சம் பழியென நான்கும்
இகவாவாம் இல்லிறப்பான் கண்.- 146
பகை, பாவம், அச்சம், பழி நான்கும் தீய நடத்தையால் தங்கும்
அறனியலான் இல்வாழ்வான் என்பான் பிறனியலாள்
பெண்மை நயவா தவன்.- 147
அறவாழ்வென்பது பிறன் மனை நயவாமையே
பிறன்மனை நோக்காத பேராண்மை சான்றோர்க்கு
அறனொன்றோ ஆன்ற வொழுக்கு.- 148
ஒழுக்கமுடையவரே பிறன்மனை நோக்காத பேராண்மையாளா்
நலக்குரியார் யாரெனின் நாமநீர் வைப்பின்
பிறற்குரியாள் தோள்தோயா தார்.- 149
பிறன் மனை தழுவாதவரே என்றும் பெருமையுடையவா்
அறன்வரையான் அல்ல செயினும் பிறன்வரையாள்
பெண்மை நயவாமை நன்று.-150
அறம் செய்தலைவிட நல்லது பிறன்மனை விரும்பாமை
கருத்துகள் இல்லை:
கருத்துரையிடுக