நம்மை மாற்றும் மாபெரும் ஆற்றல்!

குழந்தைப் பருவத்திலிருந்து இன்றுவரை நாம் கடந்துவந்த பாதையை, சற்று திரும்பிப் பார்த்தால்…

பெற்றோர், உறவினர்கள், ஆசிரியர்கள், நூல்கள், அனுபவங்கள், வெற்றிகள், தோல்விகள் என நாம் வாழ்வில் சந்தித்த ஒவ்வொரு உறவுகளும், சூழல்களும் நம் பழக்கவழக்கத்தை, பண்பாட்டை செதுக்கியிருக்கின்றன என்பதை நாம் உணரமுடியும். மேற்சொன்ன உறவுகளையும், சூழல்களையும்விட நாம் தேர்ந்தெடுக்கும் நட்பு நம்மை மாற்றும் மாபெரும் ஆற்றலாக அமைவதை நாம் உணரவேண்டும்.

நம்மை இந்த உலகத்துக்குத் தந்தது நம் பெற்றோராக இருக்கலாம்!

நம் திறமைகளை நமக்கு அறிமுகம் செய்பவர் நம் ஆசிரியாராக இருக்கலாம்!

நம்மை ஊக்கப்படுத்தி நம்மால் முடியும் என்ற தன்னம்பிக்கையைத் தருபவர் நண்பராகவே இருப்பார்.

அதனால் நாம் நண்பரை தேர்ந்தெடுப்பதற்கு முன் பலமுறை சிந்திக்கவேண்டும். தேர்ந்தெடுத்தபின் அவரை முழுமையாக நம்பவேண்டும். நாம் நல்லவராக இருந்தால் நாம் தேர்தெடுப்பவரும் நல்லவராகவே இருப்பார். நாம் தீய பண்புடையவராக இருந்தால் நம்மைத் தேடிவரும் நட்புகளும் அத்தன்மையுடையவராகவே அமைவர்.

தொடர்புடைய இடுகைகள்

நட்பின் அடையாளம்

உங்கள் நண்பர் எலியா? புலியா?