பே(பெய)ராசைபிடித்த பெண்கள்!

ஆண் - பெண் இருவரில் பேராசை பிடித்தவர்கள் யார்? என்றால் கண்களை மூடிக்கொண்டு சொல்லிவிடலாம் பெண்கள்தான் என்று..

ஏனென்று கேட்கிறீர்களா?

கீழே பாருங்கள் இவர்களுக்கு எத்தனை பெயர்கள் என்று..

பொருளாசை பிடித்தவர்கள் என்பதால் அல்ல

ஆண்களுக்குப் பிடித்தவர்கள் என்பதால்

ஆம் தமிழ் இலக்கியப்பரப்பில் ஆண்களால் அழைக்கப்பட்ட பெண்களின் பெயர்களைத்தான் இன்று காணப்போகிறோம்.

பேதை, பெதும்பை,மங்கை, மடந்தை,

அரிவை,தெரிவை, பேரிளம்பெண்,

அங்கனை, ஆடவள், ஆயிழை,ஆட்டி,

மாயோள், சுரிகுழல், 

மகடூஉ, காந்தை, 

சுந்தரி, வனிதை, மாது, 

மானினி, நல்லாள், சிறுமி,சேயிழை,

தையல், நங்கை,நாரி, பிரியை, காரிகை, 

அணங்கு, பிணா, 

பெண்டு,குறத்தி, இடைச்சி,உழத்தி,

 நுழைச்சி, எயிற்றி, மறத்தி,

தலைவி, தோழி, நற்றாய், 

செவிலி,விறலி

பெண்களுக்கு இணையாக ஆண்களுக்கும்..

1. பாலன் 1-7 வயது
2. மீளி 8-10 வயது
3. மறவோன் 11-14 வயது
4. திறவோன் 15 வயது
5. காளை 16 வயது
6. விடலை 17 -30 வயது
7. முதுமகன், 30 வயதுக்கு மேல்

பல்வேறு பெயர்கள் உள்ளன என்றாலும். அதிகமாக அழைக்கப்படுவது என்னவோ பெண்களின் பெயர்கள்தானே...