வேர்களைத்தேடி........: குருவிகளும் வாழட்டுமே..

வேர்களைத்தேடி தளத்திற்குத் தங்களை அன்புடன் வரவேற்கிறேன்... இத்தளத்தில் சங்க இலக்கியம், கணினித்தமிழ் சார்ந்து எனது அனுபவங்களைப் பகிர்ந்து வருகிறேன். 13 ஆண்டுகளில் 1500க்கும் மேற்பட்ட பதிவுகளை வழங்கியுள்ளேன். தற்போது இந்தியக் குடிமைப் பணித்தேர்வுக்கான விருப்பப் பாடம் தமிழுக்குரிய விளக்கங்களைத் தொடர்ந்து வழங்கி வருகிறேன். தங்கள் மேலான வருகைக்கு நன்றிகளைத் தெரிவித்துக்கொள்கிறேன்.

செவ்வாய், 20 மார்ச், 2012

குருவிகளும் வாழட்டுமே..

இன்று (மார்ச் 20 ) உலக குருவிகள் தினத்தை நினைவுபடுத்த..

மனையுறை குருவிகளின் காதல்

அஃறிணை பேசுகிறேன்

இயற்கைக்கும் மனிதனுக்குமான 20/ 20

என்னும் மூன்று இடுகைகளையும் தங்கள் பார்வைக்கு வைக்கிறேன்.

சில சிந்தனைகள்..

• இயற்கைக்கு முன் மனிதன் என்றுமே குழந்தைதான்.

• இயற்கையின் சமநிலைக்கோட்பாட்டை நாம் அறிவியல் வளர்ச்சி கொண்டு மாற்றினால், இயற்கையின் சீற்றங்களை நாம் எதிர்கொள்ளநேரிடும்.

• முன்பெல்லாம் கூட்டம் கூட்டமாக சிறகடித்துச்செல்லும் குருவிகளைப் பரவலாகக் காணமுடியும். ஆனால் இன்று தொலைக்காட்சிகளில் மட்டுமே அரிதாக இவ்வினத்தைக் காணமுடிகிறது. அலைபேசியின் கோபுரங்களே இவற்றின் அழிவுக்குக் காரணம் என்கிறார்கள் அறிவியலாளர்கள்.

• எங்கள் வீட்டிலும் எனக்கு விவரம் தெரிந்த நாள்முதலாகவே சிட்டுக்குருவிகள் வளர்கின்றன. கூடுகளில் அல்ல! எங்கள் வீடே அவற்றுக்கு கூடு. எங்கள் வீட்டு முற்றத்தில் கூடுகட்டிய சில குருவிகள் உரிமையோடு வீட்டுக்குள் வந்து அரிசி.. மற்றும் சிறுசிறு உணவுப்பொருள்களை உண்டு தம் துணைக்கும் எடுத்துச்செல்கின்றன…

• ஏதோ ஒரு மாநிலத்தில் சிட்டுக்குருவிகள் அழிவைத்தடுக்க நியாயவிலைக் கடைகளிலேயே மக்களுக்கு குருவிக்கூடுகளை இலவசமாகத் தந்தார்கள் என்றொரு நாளிதழ் செய்தி படித்தேன்.

• உயிர்களில் என்ன ஏற்றத்தாழ்வு..

குருவிகளும் வாழட்டுமே..

இனிமேலாவது..

நம் வீடடுக்கு முன் மரம் வளர்க்கலாம்..

நம் வீட்டு வாயிலில் கொஞ்சம் அரிசிவைக்கலாம்..

சிட்டுக்குருவிகளைக் கண்டால்

இவை அழிந்துவரும் இனம்
என்பதை உணரலாம்

இளம் தலைமுறையினருக்கும்
இதை அறிவுறுத்தலாம்...

தொடர்புடைய இடுகைகள்

(முத்துச்சரம் வழங்கிய இடுகைகளின் தொகுப்பு)

கூடு இங்கே குருவி எங்கே

(திருமதி பக்கங்ள் வழங்கிய இடுகை)