உங்கள் இடுகையை வாசிக்க எவ்வளவு நேரம் ஆகும்?

இன்று இணையத்தில் உலவியபோது ஒரு இணையபக்கம் என்னைப் பெரிதும் கவர்ந்தது.

நாம் இவ்வளவு ஆர்வத்தோடு பல்வேறு தகவல்களையும் சேகரித்து எழுதினோமே..
நிறையபேர் வந்து பார்க்கவில்லையே..
ஏதோ மின்னஞ்சலில் வந்த ஒரு படத்தை இணைத்தோம்..
அதற்கு இவ்வளபேர் வருகிறார்களே..
இவர்களைப் புரிந்துகொள்ளவே முடியவில்லையே என்று புலம்பும் வலைப்பதிவர்களை நிறையவே பார்க்கமுடிகிறது.
உங்கள்..

வலைப்பதிவின் முழுப்பக்கமும் திறக்கும் நேரம்

பல்வேறு திரட்டிகளிலும் இணைத்தல்

எழுத்துநடை

நகைச்சுவை ஆற்றல்

சிந்தனைத்திறன்

தொழில்நுட்ப அறிவு

தேர்வு செய்யும் நிழற்படம்

இடுகைக்கான தலைப்பு

என பார்வையாளர்களைச் சிறைபிடிப்பது அவரவர் தனித்திறனுக்கு ஏற்ப மாறுபடுவதுண்டு.

பொதுவாகவே ஒவ்வொரு பார்வையாளர்களும் எந்த வலைப்பக்கத்துக்குச் சென்றாலும் முதலில் பார்ப்பது..

அந்த இடுகை எவ்வளவு பெரிது? 
எவ்வளவுநேரத்தில் படிக்கமுடியும்? 
என்பதுதான்..


ரீடோ மீட்டர் என்ற இணையபக்கம் உங்களுக்கு இதைக் கண்டறிய பெரிதும் உதவுகிறது. இந்த பக்கத்துக்குச் சென்று உங்கள் இடுகையை உள்ளீடு செய்து சரி என சொடுக்கினால்..

உங்கள் இடுகையில் எத்தனை வார்த்தைகள் உள்ளன?
எவ்வளவு மணித்துளிகளில் படிக்கலாம்?

என்ற விவரங்கள் கிடைக்கும்.
திரட்டிளில் இணைக்கும் காலம்தான் இதற்கும் ஆகும். ஆனால் பயன்

திரட்டிகளால் கிடைக்கும் பார்வையார்களுக்கு இணையானதாக இருக்கும்.
கிடைக்கும் விவரங்களை  உங்கள் இடுகையின் முதல்குறிப்பாகத் தெரிவித்தால் பார்வையாளர்கள் பெரிதும் விரும்பிப் படிப்படிப்பார்கள். உங்கள் இடுகை முழுவதும் வாசிக்கப்படும் என்பது எனது கருத்து.

இப்போதெல்லாம் மார்குயி முறை நிறையவே பயன்பாட்டுக்கு வந்துவிட்டது. சான்றாக..
எனது இடுகையில் நகரும் எழுத்துரு (மார்குயி)வில் இந்த இடுகையை வாசிக்கத் தேவைப்படும் நேரத்தைக் குறிப்பிட்டிருக்கிறேன்..

நீங்களும் முயற்சிக்கலாமே..