வெள்ளைத்தாள் சொன்னது

கலீ்ல் கிப்ரான் அவர்களின் கவிதைகளும், கதைகளும் படிப்போர் மனதில் ஆயிரம் ஆயிரம் சிந்தனைகளை ஊற்றெடுக்கவைக்கும் தன்மையனவாகும்.. நான் விரும்பிப் படித்த கதை ஒன்று..

பனி போன்ற வெள்ளைத்தாள் ஒன்று சொன்னது..

“நான் தூய்மையாகப் படைக்கப்பட்டேன்!

தூய்மையாக என்றென்றும் இருப்பேன்!

அசுத்தம் என்னைத் தொடமுற்படின்,

அல்லது இருட்டுத் தன்மையால்

நான் துன்பப்டுதலைக் காட்டிலும்,

எரிக்கப்பட்டு வெண்ணிறச் சாம்பலாய்

ஆகிவிடுவேன்.“

எழுது மை இருக்கும் புட்டி

வெள்ளைத் தாள் சொல்வதைக் கேட்டது.

தன் கருப்பு இதயத்தில் அது சிரித்தது.

ஆனால் அதன் அருகே செல்லும்

துணிவின்றி இருந்தது.

பல்வண்ண எழுதுகோல்களும்

வெள்ளைத்தாள் சொன்னதைக் கேட்டன.

அவையும் அதன் அருகில் வரவே இல்லை.

பனிபோன்ற வெள்ளைத்தாள்

எப்போதும் தூய்மையாக கற்புடனேயே இருந்தது.

ஆம் தூய்மையாக கற்புடனேயே

வெற்றுத் தாளாகவே!