Earth's Bounty (புறநானூறு)

பழந்தமிழ் இலக்கியங்களின் நயத்தை ஆங்கில மொழி அறிந்தவர்களும் உணரவேண்டுமென்ற நோக்கில் பழந்தமிழ்ப் பாடல்களை ஆங்கில வடிவத்திலும் தொடர்ந்து வழங்கிவருகிறேன்.

அவ்வடிப்படையில் இன்று ஔவையாரின் புறநானூற்றுப் பாடல் ஒன்று காண்போம்..

“Bless you earth

field
forest
vally
or hill

you are only
as good
as the good youg men
in each place'

நாடா கொன்றோ ; காடா கொன்றோ;
அவலா கொன்றோ ; மிசையா கொன்றோ;
எவ்வழி நல்லவர் ஆடவர்,
அவ்வழி நல்லை ; வாழிய நிலனே!

(புறநானூறு-187)

மக்கள் வாழ்வது நாடு!
மாக்கள் வாழ்வது காடு! (மாக்கள்- விலங்குகள்)

மனம் இருப்பதாலேயே மனிதன் ஆனோம். மனிதம் இல்லாவிட்டால் நாம் மாக்கள் தானே!

மாக்கள் வாழ்வது நாடாகுமா..?

ஔவை நிலத்தை நோக்கிக் கூறுகிறார்..

ஏ! நிலமே..!
நீ ஒன்றில் நாடாகவும்!
ஒன்றில் காடாகவும்!
ஒன்றில் பள்ளமாகவும்!
ஒன்றில் மேடாகவும்!
எப்படி இருந்தாலும்,
ஆடவர் எவ்விடத்தில் நல்லவராக இருக்கிறாரகளோ அவ்விடத்து நீயும் நன்மையுடையதாக இருக்கிறாய்.


வாழ்வும் தாழ்வும் நிலத்தைப் பொறுத்ததன்று. அந்நிலத்தில் வாழும் ஆடவரைப் பொறுத்தது. நற்பண்பும், நற்செயலும் கொண்ட ஆடவர் நாட்டின் புகழுக்கும் வளத்துக்கும் காரணமாக அமைகின்றனர்.

நல்லோர் இருப்பின் அது நல்ல நிலம்.
தீயோர் இருப்பின் அது தீய நிலம்.

நல்லவர்களின் பார்வையில் யாவரும் நல்லவர்களாகவே தெரிவார்கள்!
தீயவர்கள் பார்வையில் யாவரும் தீயவர்களாகவே தெரிவார்கள்!

உழைக்கும் கைகள் வளமான நிலத்துக்கும்!
நேர்மறை எண்ணங்கள் நலமான வாழ்வுக்கும்!
அடித்தளமாக அமையும் என்பது எனது கருத்தாகும்.

அன்பின் உறவுகளே நீங்கள் வாழும் நிலம் எத்தகையது..??